«Кыргыз темир жолу» 10 айда 212 миңге жакын жүргүнчүнү тейледи

2023-жылдын 10 айында Кыргызстанда темир жол аркылуу 211 ми 886 жүргүнчү ташылды. Бул тууралуу "Кыргыз темир жолу" МИ билдирирди.

Маалыматка ылайык, анын ичинде эл аралык каттам боюнча 12 миң 617 жүргүнчү жана республиканын ичинде 199 миң 269 жүргүнчү каттаган.

Үстүбүздөгү жылдын жайында Бишкек - Балыкчы каттамы боюнча VIP жүргүнчү ташуучу вагон даярдалган. Жүргүнчүлөрдүн ыңгайлуулугу үчүн вагон кышкы-жайкы кондиционер системасы, стерео система, телевизор, муздаткыч, Wi-Fi жана башкалар менен жабдылган.

Белгиленгендей, туристтик компаниялардын өтүнүчү менен Балыкчы бекетине бара турган чет элдик туристтик поезддердин курамына Люкс жана VIP вагондору киргизилген. Туристтик поезд Европа жана Америкадан келген туристтер Кыргызстанга 6 жолу каттаган.