Subscribe to Our Newsletter

Success! Now Check Your Email

To complete Subscribe, click the confirmation link in your inbox. If it doesn’t arrive within 3 minutes, check your spam folder.

Ok, Thanks
Электрондук соода жана бизнес чөйрөсүндөгү активдүүлүк байкалууда – экономика министри

Электрондук соода жана бизнес чөйрөсүндөгү активдүүлүк байкалууда – экономика министри

Акыркы он жылда электрондук соода жана электрондук бизнес чөйрөсүндөгү активдүүлүк байкалууда. Бул тууралуу 2024 жылдын 22 январында экономика жана коммерция министри Данияр Амангелдиев маалымат жыйынында 2023 жылдын социалдык-экономикалык өнүгүүсүнүн жыйнтыгы боюнча билдирди. Ал маалымдагыдай, электрондук соода инфратүзүмүн өнүктүрүү максатында өлкөнүн ири транспорттук түйүндөрүнө жакын жайгашкан Электрондук коммерция паркын куруу боюнча

Чынгыз Керимбеков profile image
by Чынгыз Керимбеков

Акыркы он жылда электрондук соода жана электрондук бизнес чөйрөсүндөгү активдүүлүк байкалууда. Бул тууралуу 2024 жылдын 22 январында экономика жана коммерция министри Данияр Амангелдиев маалымат жыйынында 2023 жылдын социалдык-экономикалык өнүгүүсүнүн жыйнтыгы боюнча билдирди.

Ал маалымдагыдай, электрондук соода инфратүзүмүн өнүктүрүү максатында өлкөнүн ири транспорттук түйүндөрүнө жакын жайгашкан Электрондук коммерция паркын куруу боюнча долбоор ишке ашырылып баштады.

Аны менен бирге соода саясаты тармагында, 2023-жылдын 9-июнунда Астана шаарындагы Эл аралык форумдун талааларында Кыргыз Республикасынын Министрлер Кабинети менен Казакстан Республикасынын Өкмөтүнүн ортосунда “Ак-Тилек” жана “Карасу” автожол өткөрүү пункттарынын районунда индустриалдык соода-логистикалык комплексти түзүү жана ишин жөнгө салуу жөнүндө Макулдашууга кол коюлган.

Институционалдык чөйрөнүн сапатын жакшыртуу жана КРда электрондук коммерцияны өнүктүрүү үчүн жагымдуу шарттарды түзүү максатында 2023-2026-жылдарга Кыргыз Республикасында электрондук коммерцияны колдоо жана өнүктүрүү боюнча Программа бекитилген (КР МКнин 2022-жылдын 16-декабрындагы).

Министрлер кабинетинин 2022-жылдын 16-декабрындагы “КРнын Экономика жана коммерция министрлигине караштуу КРнын чет мамлекеттердеги соода өкүлчүлүктөрү жөнүндө” токтомуна ылайык, Кытайдагы, Түркиядагы жана Өзбекстандагы КРнын соода өкүлчүлүктөрү өз ишин баштады.

КРнын Экономика жана коммерция министрлигине караштуу “Кыргыз Экспорт” экспортту өнүктүрүү жана илгерилетүү боюнча борбор түзүлдү.

Ата мекендик продукцияны Кытай рыногуна чыгаруу максатында Улуттук көргөзмө павильону көрсөтүлүп, анда төмөнкүлөргө жетишилди:

·      жалпы суммасы 500 млн сомдон ашкан нукура балды экспорттоого кол коюлган келишимдер, бул Кыргыз балынын жогорку сапатын жана анын дүйнөлүк рынокто жагымдуулугун тастыктайт;

·      ийгиликтүү 20 миң тонна балык жана балык азыктарын экспорттоо, өлкөнүн балык чарбасын жана анын экспорттук дараметин өнүктүрүү үчүн маанилүү кадам болуп саналат;

·      экспортко 100 миң тонна эт жеткирүү боюнча келишимдер түзүлдү.

·      тамак-аш өнөр жайынын жана калктын импорттук Айыл чарба продукциясына болгон муктаждыгын камсыздоо жана ата мекендик айыл чарба өндүрүүчүлөрүн коргоо үчүн 2024-жылга жылдык тарифтик квоталардын көлөмүн белгилөө боюнча иштер жүргүзүлдү:

·      Вьетнам жана Сербия Республикасынан Бирликтин бажы аймагына айыл чарба товарларынын айрым түрлөрүнө (ЕЭК Коллегиясынын 2023-жылдын 22-августундагы  жана 2023-жылдын 28-августундагы чечими);

·      бодо малдын этине жана канаттуулардын этине (ЕЭК Коллегиясынын 2023-жылдын 22-августундагы чечими);

·      камыш кантына 50 миң тонна көлөмүндө (ЕЭК Кеңешинин 2023-жылдын 30-мартындагы чечими).

Чынгыз Керимбеков profile image
by Чынгыз Керимбеков

Subscribe to New Posts

Lorem ultrices malesuada sapien amet pulvinar quis. Feugiat etiam ullamcorper pharetra vitae nibh enim vel.

Success! Now Check Your Email

To complete Subscribe, click the confirmation link in your inbox. If it doesn’t arrive within 3 minutes, check your spam folder.

Ok, Thanks

Read More