2023-жылы Кумтөрдүн таза кирешеси 302.4 млн долларды түздү

2023-жылы Кумтөрдүн таза кирешеси 302.4 млн долларды түздү

«Кумтөр Голд Компани» 2023-жылы өндүрүштүк ишмердүүлүктөн түшкөн жалпы кирешеси пландагы 734.2 млн доллардын ордуна 849 млн долларды түзгөн. Бул тууралуу ишкана билдирди.

2023-жылы 13 тонна 577 кг алтын реализацияланды. Өндүрүштү модернизациялоо жана чыгымдарды кыскартуунун натыйжасында, ишкананын жыл ичиндеги таза кирешеси пландагы 194 млн доллардын ордуна 302.4 млн долларды түздү. Республикалык бюджетке салык жана башка төлөмдөр түрүндө 17 млрд 241 млн 71 миң сом которулду.

«Кумтөр Голд Компанинин» капиталдык салымдарынын өлчөмү 2022-жылы 186.1 млн доллар болсо, 2023-жылы 111.5 млн долларды түздү.

Өткөн жылы Кумтөр кен жайындагы Алтын ылгоочу фабрикага заманбап эки тик тегирмен жана кошумча эритүүчү жаңы чандар орнотулду. Муну менен жылына 7 миңден 12 миң унцияга чейин кошумча алтын өндүрүүгө шарт түзүлдү.

Ошондой эле 2023-жылы Кумтөр кен жайына 93 даана ар кандай атайын техникалар сатылып алынган. Былтыр Токмок шаарында дөңгөлөктөрдү кайра иштетүү жана калыбына келтирүү заводу тесттик режимде ишке киргизилип, 17 тоннадан ашык алтындын запасы бар Тоголок алтын кенин өздөштүрүү жумуштары башталды.

Иш процессин оптималдаштыруу жана жабдууларды жаңылоо аркылуу өткөн жылы тоо-кен иштерин жүргүзүүдө 30 млн доллардан ашык каражат үнөмдөлгөн.

Мындан сырткары, 2023-жылы «Кумтөр Голд Компани» тарабынан «Ысык-Көл облусун өнүктүрүү» фондуна 8 млн 389 миң АКШ доллары, Нарын облусун өнүктүрүү боюнча «Теңир-Тоо» фондуна 5 млн 33 миң АКШ доллары, Аймактарды өнүктүрүү боюнча өнөктөштүк фондуна 1 млн 597 миң АКШ доллары, Жаратылышты өнүктүрүү фондуна 1 млн 542 миң АКШ доллары которулган.

Read more

РКӨФ жана «Альянс Алтын» биргеликте Таластагы долбоорлорду каржылайт

РКӨФ жана «Альянс Алтын» биргеликте Таластагы долбоорлорду каржылайт

Россия-Кыргыз өнүгүү фонду «Альянс Алтын» компаниясы жана ушул эле аталыштагы өнүктүрүү фонду үч тараптуу кызматташуу келишимин түзүштү. Келишим энергиянын кайра жаралуучу булактары, айыл чарба продукциясын кайра иштетүү жана башка негизги багыттарда биргелешип иштөөгө багытталган. Бул кызматташтыктын алкагында РКӨФ жана «Альянс Алтын» өнүгүү фонду Талас облусунда тиешелүү долбоорлорду тандап, экспертизадан өткөрүп,

Шылуундарды  кантип таануу боюнча Улуттук банктын кеңештери

Шылуундарды кантип таануу боюнча Улуттук банктын кеңештери

Акыркы убакта Кыргызстанда банк тармагында алдамчылык фактылары көп катталууда. Кыргызстандыктар социалдык тармактарда, телефон аркылуу же мессенджер аркылуу алданууда. Алдамчылыктын курмандыктары акчасы уурдалгандан кийин гана билишет. Улуттук банктын керектөөчүлөрдүн укугун коргоо бөлүмү Economist.kgге каржы тармагындагы алдамчылыктын түрлөрү тууралуу айтып берди, бул жарандардын сергек болушуна жардам берет. Банк тармагында алдамчылыктын кандай

Экологиялык диалог: «Альянс Алтын» эко долбоорлорду колдоону улантат

Экологиялык диалог: «Альянс Алтын» эко долбоорлорду колдоону улантат

Талас облусунда экологияга өзгөчө көңүл бурулат. Талас шаарында 2024-жылдын 19-апрелинде «Альянс Алтын» компаниясы «Экологиялык диалог: келечекке көз караш» аттуу тегерек стол өткөрдү. Бул тууралуу компаниянын басма сөз кызматы билдирди. Алсак, тегерек столго Талас облусундагы ыйгарым укуктуу өкүлчүлүктүн өкүлдөрү, экологдор, окумуштуулар, студенттер, суу чарба, өзгөчө кырдаалдар, мамлекеттик жана өкмөттүк уюмдардын адистери,

Ишенимдүүлүктүн жана коопсуздуктун жогорку даражасы –кыргыз сомунун аброю жөнүндө

Ишенимдүүлүктүн жана коопсуздуктун жогорку даражасы –кыргыз сомунун аброю жөнүндө

Үстүбүздөгү жылдын биринчи кварталынын жыйынтыгында жүгүртүүдөгү акчанын жалпы көлөмү 201.8 млрд сомдон ашты. Өткөн жылдын тийиштүү мезгилине салыштырмалуу сумма 24.6 млрд сомго же 14.6%га өскөн. Мындай акча массасын жүгүртүү үчүн жасалма акча жасоочулардан жакшы коргоо керек. Кыргызстандын улуттук валютасы сом бардык заманбап стандарттарга жооп берет. Улуттук