Экономика

Кыргызстан Дүйнөлүк банк менен сатып алууларды реформалоодо

Айгерим Качкынбекова

17 окт. 2025 11:30

Вашингтондо Финансы министринин орун басары Улугбек Календеров Дүйнөлүк банктын Европа жана Борбордук Азия аймагы боюнча сатып алуулар практикасынын жетекчиси Фелипе Гойя менен жолугушту. Бул тууралуу аталган министрликтин маалымат кызматынан билдиришти.

Жолугушууга министрликке караштуу ички аудит кызматынын төрагасы, Финансы академиясынын директору жана Мамлекеттик сатып алуулар департаментинин өкүлдөрү жана Дүйнөлүк банктын өкүлдөрү катышышты.

Тараптар мамлекеттик сатып алуулар процессин ачык-айкын жана эффективдүү кылууга багытталган реформаларды талкуулашты. Атап айтканда, түздөн-түз келишим түзүү ыкмаларын кыскартуу, баллдык баалоо механизмин киргизүү, электрондук сатып алуулар үчүн “бирдиктүү терезе” тутумун өнүктүрүү жана даттанууларды кароо боюнча комиссия мүчөлөрүнө сый акы төлөө структурасын түзүү маселелери белгиленди.

Мындан тышкары, "Сатып алууларды трансформациялоо: пландоо — натыйжалуулуктун жана туруктуу өнүгүүнүн ачкычы" темасында жыл сайын эл аралык форумду өткөрүү маселеси талкууланды.

Фелипе Гойя Дүйнөлүк банктын Кыргыз Республикасы менен сатып алуу процесстерин өркүндөтүү жана экономикалык туруктуулукту чыңдоо багытында кызматташууну улантууга даяр экенин билдирди. Жолугушуунун жыйынтыгында тараптар ишти улантууга жана мамлекеттик сатып алуулардын натыйжалуулугун жогорулатууга биргелешип кызыкдар экенин белгилешти.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”