Прокуратура бухгалтерлери жаңы автоматташтырылган системаны үйрөнүштү

КРнын прокуратура органдарында финансылык ишмердүүлүктү өркүндөтүү жана кызматкерлердин квалификациясын жогорулатуу максатында, Башкы прокуратуранын Юридикалык академиясында «Борборлоштурулган бухгалтердик эсеп» автоматташтырылган системасына киришүү боюнча тренинг өткөрүлдү. Бул тууралуу Башкы прокуратурадан билдиришти.

Окууга республиканын бардык аймактарынан прокуратура органдарынын бухгалтерлери катышып, системанын теориялык жана практикалык мүмкүнчүлүктөрүн өздөштүрүштү. Алар бирдиктүү маалыматтык чөйрөдө эсеп жүргүзүүнү, отчет түзүүнү, эмгек акыны эсептөөнү жана бюджеттик каражаттарды көзөмөлдөөнү үйрөнүштү.