Кыргызстандан биринчи жолу Японияга 1,6 тонна ашкабак үрөнү экспорттолду

Кыргызстан СССРден бөлүнүп, өз алдынча мамлекет болгону биринчи жолу Японияга 1,6 тонна ашкабак үрөнүн экспорттогону Кыргызстандын агроөнөр жай комплексинин кызматкерлеринин күнүнө карата өткөрүлгөн салтанаттуу иш-чарада айтылды.

 Ал иш чарада Кыргызстандан Россияга 40 тонна беденин үрөнү экспорттолуп, быйыл биринчи жолу Жайыл районунда помидордун түшүмдүүлүгү гектарынан 120 тоннага жетип, дүйнөлүк рекордго чыкканы да баса белгиленди.  

Андан сырткары, быйыл 362 миң центнер күрүч,  9,4 млн центнер картошка, 623 миң центнер буурчак, 2,8 млн центнер мөмө-жемиш жыйналганы да айтылды. Ошондой эле быйыл жалпы 585 миң гектар жерге дан эгиндери айдалганы маалым болду.  

 Иш чарада, айтылгандай 2025-жылдын сегиз айында агроөнөр жай комплексинин дүң продукциясынын көлөмү 252,5 млрд сомду түзүп, өткөн жылга салыштырмалуу 2,4%га көбөйгөн.