Стамбул фондулук биржасы Кыргызстан фондулук биржасындагы үлүшүн эмнеге көбөйттү?

Кыргыз фондулук биржасы Бүткүл дүйнөлүк биржалар федерациясынын Стамбулда өткөн 64-Генералдык ассамблеясына катышканын КФБ билдирди. 

Бул иш чарада КФБ жетекчилиги Стамбул биржасынын жетекчилиги менен жолугуп, тараптар мындан аркы кызматташууларды талкуулашкан. Бул сүйлөшүүдө Стамбул биржасы  КФБ капиталындагы катышуу үлүшүн көбөйткөнү айтылды жана бул эки өлкөнүн финансы институттарынын ортосундагы ишенимдин жана стратегиялык өнөктөштүк кылуунун жогорулаганын далилдейт. 

Ошондой эле бул жолугушууда баалуу металлдар рыногун өнүктүрүүдө өз ара кызматташуу макулдашылып, алтын соодасын өнүктүрүү боюнча кызматташуу жана бул багытта бирдиктүү жол картасына кол коюу маселелери талкууланган. 

Эске салсак, Бүткүл дүйнөлүк биржалар федерациясынын генералдык ассамблеясы ­– ар жылы 90 өлкөдөн келген 250дөн ашык өкүлдү бириктирген ири дүйнөлүк биржалар жолугушуусу.