Кыргызстан ЕРӨБ менен 400 млн евролук долбоорлорду макулдашты
Финансы министри Алмаз Бакетаев менен ЕРӨБ вице-президенти Маттео Патроне муниципалдык инфраструктура, сугат жана транспорт тармагындагы долбоорлорду колдоо боюнча меморандумга кол коюшту. Бул тууралуу министрликтен билдиришти.
Макулдашуу жалпы суммасы 400 млн еврону түзгөн долбоорлорду ишке ашырууга жол ачып, өлкө боюнча туруктуу инфраструктураны өнүктүрүүгө көмөктөшөт.
Мындан тышкары, ЕРӨБ Базар-Коргон шаарындагы суу менен камсыздоо долбоору үчүн 3,3 млн евро каржылоонун экинчи траншын бөлдү. Бул каражат 60 000ден ашуун тургунга коопсуз ичүүчү суу жана жакшыртылган санитардык шарттарды камсыздоого багытталган.
2025-жылы бул ЕРӨБ тарабынан Кыргызстанда кол коюлган жетинчи суверендүү инфраструктуралык долбоор, Банктын өлкө инфраструктурасына инвестицияларынын жалпы көлөмү 100 млн еврону түздү.
