Токмоктогу жылына 10 миң дөңгөлөктү кайра иштетүүчү завод лицензи алды

Токмоктогу жылына 10 миң дөңгөлөктү кайра иштетүүчү завод лицензи алды

“Кумтөр Голд Компани” ЖЧКсынын Токмоктогу дөңгөлөктөрдү кайра иштетүү филиалы калдыктарды утилдештирүү укугуна лицензия алганын компаниядан билдиришти. 

Баса белгилегендей, Жаратылыш ресурстары, экология жана техникалык көзөмөл министрлиги тарабынан берилген лицензия ишканага автоунаа дөңгөлөктөрүн утилдештирүү боюнча акылуу кызмат көрсөтүүгө шарт түзөт. Бул экологияга оң таасирин тийгизет.

Завод жылына ар кандай типтеги жана көлөмдөгү 10 миң дөңгөлөктү майда желим бөлүкчөлөргө майдалап, кайра иштеп чыга алат. Бул материал желим плиткаларды, килемдерди, балдар жана спорт аянтчаларынын монолиттик травмалык жактан коопсуз жабууларды чыгаруу үчүн сырье болот. 

Бул өз кезегинде өлкөнү уулуу желим калдыктардан тазалоого масштабдуу салым. Эски дөңгөлөктөр эми таштандыларда жылдар бою жатып айлананы булгабайт.

Ишканага утилизация кылуу үчүн оор карьердик, курулуштук жана айыл чарбалык техникалардын ири габариттүү дөңгөлөктөрүн да тапшырса болот. Мындай кызмат өнөр жай ишканаларына, тоо кен жана транспорт компанияларына жаратылышты коргоого салым кошуп, топтолгон ишкана калдыктары үчүн төлөнүүчү акча төлөмүн үнөмдөйт.   

Мындан сырткары, заводдо автоунаалардын дөңгөлөктөрүн калыбына келтирүү цехи да иштейт. Учурда  кайра калыптандырылган ири габариттүү дөңгөлөктөр Caterpillar 789С самосвалдарына салынып “Кумтөр” алтын кенинде сыноодон өтүп жатат.  
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Бишкекте кайсы курулуш объектилери текшерилди?

Бишкектеги 8 акча алмаштыруу бюросуна 55 миң сомдон айып пул салынды

Ош шаарындагы Абдыкадыров көчөсүнө 70 түп сирень отургузулду

Таласта таштанды башкаруу системасын жакшыртуу боюнча иштер жүргүзүлүүдө

Өзбекстанда канча кыргыз жашайт?