Бишкек мэриясынын кассалык чыгашаларында айырма чыкты

Эсептөө палатасынын аудити 2023-жылы Бишкектин кассалык чыгашалары 22 млрд 689 млн сомду түзөрүн, бирок, отчеттун долбоорунда ал сумма 23 млрд 476 млн сом деп көрсөтүлүп, 1,27 млрд сомго көп болгонун аныктаган. 

Ошол себептен 483,3 млн сом ашыкча чыгымдын ордуна отчетто 787 млн сом жеткиликсиз финансылоо болуп көрсөтүлүп калган. 

Муниципалдык мекемелердин дебитордук карызы 661,7 млн сомго өсүп, 2024-жылдын 1-январында 2 млрд 463,2 млн сомго жеткен. Бул сумманын 95%ы ири муниципалдык мекемелерге таандык:

- “Бишкекасфальтсервис” (1 млрд 820,9 млн сом);

- “Бишкексвет” (206,7 млн сом);

- “Тазалык” (110,5 млн сом);

- “Бишкексуучарба” муниципалдык мекемеси  (94,3 млн сом);

- “Бишкекжашылдандыруу чарбасы” ММ (97,3 млн сом);

- “Бишкекшаардыклифт” ММ (10,6 млн сом).

2024-жылдын 1-январына карата мэриянын насыялык карызы 347,5 млн сомду түзүп, анын ичинен: 

- субсидиялар — 122,2 млн сом,

- имараттар жана курулуш объектилери  — 125,6 млн сом,

- ички карыз — 35,7 млн сом.

Мындан сырткары, Транспорт департаменти өзүнүн отчетунда республикалык бюджеттен трансферт катары алган 4 млрд 513,7 млн активди көрсөткөн эмес.