В.Путин: "Россия бюджети импорттон он миллиарддаган рублди ала албай калып жатат"
Россия президенти Владимир Путин Казакстан менен Россиянын чек араларында жүктөрдү өткөрүү көйгөйү тууралуу россиялык журналисттердин суроолоруна жооп берди "Коммерсантъ" жазды.
“Ооба, мындай көйгөй бар. Ал эмнеден чыкты? Жашырбайм, менин тапшырмам менен Бажы комитети жолдордо тандалма текшерүүлөрдү жүргүзө баштаган. Көрсө, көп жүк ташуучу унаалар россиялык-казакстандык чек ара аркылуу эч кандай документи жок эле өтүп кетет экен”,-дейт В.Путин.
Анын айтымында, ар бир мындай чоң жүк, унааларда мамлекеттер аралык келишилген документтер болушу керек.
“Алар өтө деле көп эмес. Андай документтерде жүк ташуучу унаада эмне бар экендиги, кайсы дарекке бара жатканы жазылышы керек. Андай болбой биз текшерип баштаганда эле документтер жок экени аныкталды. Кара импорт биздин бажы территориябызга жөн эле жөөлөп келип жатат! Россия федерациясы миллиарддаган, он миллиарддаган рублдарды бюджетке ала албай калып жатат”, -деди Россия лидери.
Буга улай ал бул маселе боюнча Казакстан президенти Касым Жомарт-Токаев менен сүйлөшүп, чек арадагы жүк ташуучу унааларды Россия тарапка киргизүү боюнча макулдашышканын билдирген.
“Биз акырындык менен аларды киргизебиз. Башталышы үчүн бир нерсе төлөшсүн! А кийинки жылдан тарта биздин бажы кызматы бардык тиешелүү документтерди сурай баштайт. Түшүнөсүздөрбү, фураларда мыктан баштап бриллиант, телевизорлорго чейин болуп жатат. Жок дегенде беш тыйындык боону жазышып, бирдеме төлөй башташсын”,-деген В.Путин журналисттерге.
