Кыргызстан 2026-жылга 15 миң электромобиль алып кирүүгө квота алды
Евразиялык өкмөттөр аралык кеңештин жыйынтыгы боюнча Кыргызстанга 2026-жылы 15 миң электромобиль импорттоого квота берилгенин Президенттик администрациянын басма сөз кызматы билдирди.
Квота республика моторлуу электр кыймылдаткычы бар гибрид жана электр унааларын импорттоо боюнча колдонулуп жаткан тарифтик жеңилдиктердин көлөмүн толук өздөштүргөндүгүнө байланыштуу көбөйтүлдү. Чечим учурдагы жеңилдиктерди узартууну жана квотаны 15 миң бирдикке чейин кеңейтүүнү карайт. Документ Москвада өткөн Евразиляк өкмөттөр аралык кеңешинин жыйынында кол коюлду.
Мындан тышкары, жыйында ЕАЭБ алкагында экономикалык процесстерди мындан ары өнүктүрүүгө багытталган бир катар чечимдер жана буйруктар кабыл алынды. Алардын катарына төмөнкүлөр кирет:
— бажы көзөмөлүнүн эффективдүүлүгүн жогорулатуу максатында "Кызматташтыкты өнүктүрүү жана тобокелдиктерди башкаруу системасын колдонуу ыкмаларын унификациялоо" механизминин иш-чаралары боюнча буйрук;
— "Евразия экономикалык жолу" механизминин иш-чаралар планы боюнча буйрук (бажы инфраструктурасынын техникалык жабдылышын модернизациялоо бөлүгүндө, анын ичинде маалыматтык системалар, салсак-тыш өлчөм көзөмөл жабдуулары жана инспекциялык-текшерүү комплекстери);
— интеграцияны 2025-жылга чейин өнүктүрүүнүн стратегиялык багыттарын ишке ашыруунун 9.1.1-пунктунун аткарылышы боюнча буйрук;
— ЕАЭБде электрондук сооданы өнүктүрүү боюнча "жол картасынын" аткарылышы тууралуу буйрук;
— товарларды идентификациялоо каражаттары менен маркировкалоо системасын мындан ары өнүктүрүү жөнүндө буйрук;
— Кытайдан алып келинген графиттелген электроддорго карата мурда кабыл алынган антидемпингдик бажы төлөмүнө өзгөртүүлөрдү киргизүү боюнча чечим.
