Кыргыз-казак чек арасында 44,2 тонна картошка Россияга кайтарылды

Кыргыз-казак чек арасында 44,2 тонна картошка Россияга кайтарылды

Кыргыз-казак мамлекеттик чек арасындагы участокто карантиндик фитосанитардык талаптарга жооп бербеген картошканын партиясы аныкталганын Суу ресурстары, айыл чарба жана кайра иштетүү өнөр жайы министрлиги билдирди.

Ведомствонун маалыматына ылайык, 2026-жылдын 7-январында "Ак-Тилек" өткөрмө пунктуна жакын жайгашкан "Тутумдаш постунда" химизация, өсүмдүктөрдү коргоо жана карантин департаментинин кызматкерлери фитосанитардык көзөмөл жүргүзүү учурунда көлөмү 44,2 тоннаны түзгөн картошканын партиясына милдеттүү фитосанитардык сертификат жок экенин аныкташкан. Бул продукция жогорку фитосанитардык тобокелдикке кирет.

Министрликте такташкандай, Евразия экономикалык бирлигинин бажы аймагында карантиндик фитосанитардык көзөмөлдү жүргүзүү тартиби жөнүндө жобонун 3.7-пунктуна ылайык, жүк жөнөтүүчү тарапка кайтарылган.

Ошондой эле ведомстводо айыл чарба продукциясын өлкөгө ташып келүүдө фитосанитардык талаптардын сакталышына көзөмөл кадимки тартипте улантылып жатканын кошумчалашты.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Ош шаарындагы Абдыкадыров көчөсүнө 70 түп сирень отургузулду

Таласта таштанды башкаруу системасын жакшыртуу боюнча иштер жүргүзүлүүдө

Өзбекстанда канча кыргыз жашайт?

Кызыл-Кыядагы курулуш боюнча 200 миң сом айып пул салынды

Жеңиш чокусунда калган Наталия: Аварияга учураган тик учактын чыгымы төлөндү