АКШ бир күндө Венесуэладан 4 миллиард долларлык мунай алды
АКШнын президенти Дональд Трамп Вашингтон Венесуэладан алынган мунайды сатуу аркылуу миллиарддаган, ал тургай триллиондогон доллар киреше табууну пландап жатканын билдиргенин Fox News телеканалы кабарлады.
"Бул мунайдан түшө турган миллиарддаган доллар жөнүндө сөз болуп жатат, алар убакыттын өтүшү менен жүздөгөн миллиарддарга, андан кийин триллиондорго айланат. Биз Венесуэлада өлкө толук иретке келтирилгенге чейин болобуз", — деди Ак үйдүн башчысы.
Ал ошондой эле АКШ бир күндүн ичинде Венесуэланын жалпы суммасы 4 миллиард доллар болгон мунайын алганын айтып, "бул көрсөткүч мындан ары өсөт" деп убада берди.
Анын айтымында, учурда күйүүчү май 6-январда америкалык күчтөрдүн көзөмөлүнө өткөн Marinera аттуу танкерден түшүрүлүп жатат. АКШ лидери окуядан кийин Россиянын президенти Владимир Путин менен сүйлөшкөн-сүйлөшпөгөнү тууралуу суроого жооп берүүдөн баш тартып, бул тууралуу сүйлөгүсү келбей турганын айтты.
