"Кепилдик фонд" 90 млн доллардан ашык инвестиция тартты
"Кепилдик фонд" АККсы Дүйнөлүк банктан 90 млн доллардан ашык инвестиция тартып келгенин "Кепилдик фонд" ААКынын башкармалыгынын төрагасы Малик-Айдар Абакиров билдирди.
Анын айтымында, "Кепилдик фонд" өткөн жылы Дүйнөлүк банктын 32 млн долларлык долбоорун 1,5-2 жыл эрте бүтүрүп, жогорку баага татыган.
“Дүйнөлүк банктын 35 жылдыгынын ичинде мындай эрте бүткөн долбоорлор жок болчу. Андан тышкары, биз Дүйнөлүк банктын Highly satisfactory эң жогорку баасын алдык. Бул баа банкттын айрым гана жакшы иштеген долбоорлоруна берилет. Биздин ишибиз жакшы болгондуктан, Дүйнөлүк банк дагы Кыргызстанга 120 млн доллар берди. Ошол каражаттын 59 млн доллары “Кепилдик фондго” берилди”,- дейт башкармалыктын төрагасы.
Белгилей кетсек, фонд тарабынан кепилдиктер гана берилбестен, ишкердик пландарды түзүүдө, коорпоративдик системаны киргизүүдө ишкерлерге жардам берилип жатканы маалымдалды.
“Мисалы, өткөн жылы аялдардын ишкердигин колдоого 658 кепилдик берилип, жалпы сандын 40%ын түзгөн. Ал эми кепилдиктердин жалпы суммасы 586,2 млн сом, насыялардын көлөмү 2,5 млрд сом болгон”,- деди ал.
Эске салсак, "Кепилдик фонд" АККсы 2016-жылы түзүлгөн.
