МИКтен Коргоо министрлигинин кызматкерлерине 900дөн ашык батир берилет
МИк аркылуу Коргоо министрлигинин аскер кызматчыларына жакынкы арада 900дөн ашык батир берилерин министрлер кабинетинин төрагасы Адылбек Касымалиев бүгүн Бишкекте аталган министрликке унааларды тапшыруу аземинде билдирди.
Адылбек Касымалиев белгилегендей, ипотекалык турак жай үчүн ай сайын компенсация төлөнөт. Мында аскер кызматкерлерине Бишкек шаарында 18 миң сом, аймактарда 15 миң сомду түзөт.
“20 жылдан ашык кызмат өтөгөндөргө ипотекасын толук кутулганга чейин төлөп берилет. Кайсы аймакта кызмат кылбаңыздар сиздерге өзүңүздөр тандаган жерден ипотекалык турак жай алууга мүмкүнчүлүк берилет", - деди минкаб башчысы.
