Экономика

Кыргызстанда 34 айылды бийик тоолуу аймактар тизмесинен чыгаруу сунушталды

Мелис Совет уулу

12 мар. 2026 15:15

Министрлер кабинетинин төрагасы Адылбек Касымалиев буга чейин бийик тоолуу аймактарга кирген айылдарда жашаган жана иштеген адамдар үчүн Өткөөл мезгил жөнүндө убактылуу жобо бекитүү тууралуу токтомго кол койду.

Документтин нускамасында Министрлер кабинетинин 2025-жылдын 23-октябрындагы № 692 токтому менен бийик тоолуу зоналарда жайгашкан айылдардын тизмеси бекитилгени белгиленген. Ага ылайык, кыргыз өкмөтүнүн 1997-жылдагы № 377 токтому менен бекитилген айылдардын тизмесинен 34 айыл чыгарылган.

"Бийик тоолу критерийлерге жооп бербеген 34 калктуу конушта жашаган жана иштеген адамдар 1997-жылдан бери социалдык жөлөкпулдарга жана эмгек акыга белгиленген коэффициенттердин өлчөмүндө кошумча акы алып келишкен" деп айтылат нускамада.

Министрлер кабинети калктын жашоо деңгээлинин кескин төмөндөшүнө жол бербөө жана социалдык адилеттүүлүк принциптерин сактоо максатында өткөөл мезгил сунуштоодо. Убактылуу жобо күчүндө кезинде аталган айылдарда туруктуу жашаган жана иштеген жарандар кошумча акы жана коэффициент алуу укугун сактап калат.

"Бийик тоолуу зоналарда жайгашкан калктуу конуштардын тизмесин бекитүү жөнүндө" токтомунун былтыр май айында сунушталган долбоорунда тоолуу, шарты катаал деп саналган аймактан 61 айылды чыгаруу сунушталган. Долбоор Жогорку Кеңеште катуу талкуу жаратып, өкмөттөн тизмени дагы бир сыйра тактоо талап кылынган.

Кыргызстанда бийик тоолуу, шарты катаал аймактарда жашагандарга бир катар жеңилдиктер каралган.

Өлкөдө айрым айылдар бийик тоолуу аймактардын тизмесине кирбей калганына байланыштуу жана бул тизмеден чыгарууга аракет жасалып жатканынан улам нааразылык дагы айтылып келген.

Бийик тоолуу аймактарга деңиз деңгээлинен 1800 метрден жогоруда жайгашкан айылдар кирет.

Мындан тышкары окуңуз

Кыргызстан менен ЮНИСЕФ социалдык кызматтарды жакшыртууга көңүл бурат

Министрлер кабинетинин төрагасынын орун басары Улан Маматканов Бириккен Улуттар Уюмунун Балдар фондунун Кыргызстандагы өкүлү Самман Джунг Тапа менен жолугушту. Жолугушууда Улан Маматканов ЮНИСЕФтин Кыргызстандагы өкүлчүлүгү социалдык саясат, балдардын укуктарын жана кызыкчылыктарын коргоо багытында ишке ашырып жаткан долбоорлорго жогору баа берди. Ал өлкөдө үй-бүлөнү колдоо, зомбулуктун алдын алуу, социалдык кызматтарды

Кеминдеги Тар-Суу – Тегирменти жолу оңдолууда

Кемин районунун акими К.Тутуев Карал-Дөбө айылына баруучу Тар-Суу – Тегирменти автожолунда жүргүзүлүп жаткан оңдоо иштеринин жүрүшү менен жеринен таанышты. Кемин райондук админстрациясынын маалыматына ылайык, учурда республикалык бюджеттин эсебинен жалпы узундугу 4 чакырым болгон жолго асфальт төшөө иштери жүргүзүлүүдө. Район акими курулуш иштеринин сапатына жана белгиленген мөөнөттө бүткөрүлүшүнө өзгөчө

Бишкекте 8 автобустук каттамдын багыты өзгөртүлөт

Бишкек шаарынын мэриясы коомдук транспорттун ишин жакшыртуу жана жүргүнчүлөрдү тейлөөнүн сапатын жогорулатуу максатында автобустук каттамдарды оптималдаштыруу иштерин улантууда. Бишкек шаардык мэриясынын маалыматына ылайык,1-июлдан тартып борбор калаадагы №100, №101, №13, №33, №40, №44, №104 жана №226 автобустук каттамдардын кыймыл чиймесине өзгөртүүлөр киргизилет. Өзгөртүүлөр коомдук транспорттун жеткиликтүүлүгүн жогорулатууга, каттамдардын натыйжалуулугун

Кадамжайдагы Кожо-Ашкан дарыясы 35 млн сомго бекемделди

Баткен облусунун Кадамжай районунун Кожо-Ашкан дарыясынын 880 метр аралыгы бекемделди. Анын ичинен Чоң-Гара айылында 500 метр, Кызыл-Коргон айылында 380 метр бекемделди. Бул тууралуу облустук өкүлчүлүктөн билдиришти. Бул жумуштар үчүн 2025-жылы республикалык бюджеттин эсебинен 20 млн сом, 2024-жылы Баткен облусун Өнүктүрүү фондунан 15 млн сом акча