Экономика

Кыргызстан менен Индия энергетика тармагындагы кызматташууну талкуулады

Ишкер Media

22 мар. 2026 10:26

Bharat Electricity Summit 2026 алкагында Кыргыз Республикасынын энергетика министри Таалайбек Ибраев менен Индиянын энергетика министри Манохар Лал мырза менен эки тараптуу жолугушуу өткөрдү.

Жолугушууда тараптар кыргыз-индия мамилелеринин достук мүнөзүн белгилеп, энергетика тармагындагы кызматташууну тереңдетүүнүн маанилүүлүгүн баса белгилешти.

Министрлер эки өлкөнүн энергетика секторунун өнүгүшү боюнча пикир алышып, кайра жаралуучу энергия булактары, гидроэнергетика, көмүр өнөр жайы, энергетикалык инфраструктураны жаңылоо жана кадрлардын квалификациясын жогорулатуу багыттарында кызматташууну кеңейтүү мүмкүнчүлүктөрүн талкуулашты. Кыргыз тарап Индиянын ири энергетикалык долбоорлорду ишке ашыруудагы тажрыйбасын үйрөнүүгө кызыкдар экенин билдирди.

Ошондой эле CASA-1000 долбоорунун жүрүшүнө өзгөчө көңүл бурулуп, индиялык компаниялардын салымы белгиленди жана аны өз убагында бүтүрүүнүн мааниси айтылды.

Мындан тышкары, Индиянын алдыңкы энергетикалык компаниялары — NTPC Limited жана NHPC Limited менен кызматташууну кеңейтүү мүмкүнчүлүгү каралды.

Жолугушуу конструктивдүү жана достук маанайда өтүп, тараптар өнөктөштүктү мындан ары да өнүктүрүүгө даяр экенин билдиришти. Ошондой эле кыргыз тарап Индия делегациясын Шанхай кызматташтык уюмуна мүчө өлкөлөрдүн энергетика министрлеринин жыйынына чакырды. Аталган иш-чара 2026-жылдын июнь айында Кыргызстанда өтөт.

Мындан тышкары окуңуз

Москвада миграциялык каттоонун жаңы талабы: "Амина" тиркемеси кимдерге милдеттүү болот?

2026-жылдын 1-сентябрынан тарта Москва шаарында жана Москва облусунда чет өлкөлүк жарандардын айрым категориялары миграциялык каттоодон өтүүдө "Амина" мобилдик тиркемесин милдеттүү түрдө колдонушат. Бул тууралуу Эмгек, социалдык камсыздоо жана миграция министрлиги билдирди. Жаңы талапка ылайык, 18 жаштан жогорку чет өлкөлүк жарандардын айрым категориялары "Амина" тиркемесин

Кара-Алмадагы эс алуу жайларында экологиялык талаптар бузулганы аныкталды

Кара-Алма айылындагы эс алуу жайларында экологиялык талаптардын бузулушу аныкталып, эки жайдын жооптуу өкүлдөрүнө жалпы 15 500 сом айып салынды. Бул тууралуу Жаратылыш ресурстары министрлигинин Жалал-Абад регионалдык башкармалыгы билдирди. Маалыматка ылайык, башкармалыктын кызматкерлери эс алуу жайларында экологиялык талаптардын сакталышын текшерүү үчүн рейд өткөрүшкөн. Текшерүүнүн жүрүшүндө "Чарпая" эс

Коррупция тууралуу билдиргендерди коргоо боюнча жаңы тартип бекитилди

Үстүбүздөгү жылдын 10-августунда Министрлер Кабинетинин №537 токтому менен коррупциялык укук бузууларды жасоого көндүрүү фактылары жөнүндө билдирүүнүн тартиби бекитилди. Бул тууралуу Башкы прокуратурадан билдиришти. Документ Башкы прокуратура тарабынан "Коррупцияга каршы аракеттенүү жөнүндө" мыйзамдын талаптарын аткаруу максатында иштелип чыккан. Ал коррупциялык укук бузууга көндүрүү фактылары жөнүндө билдирүүнүн бирдиктүү жана

Үч-Коргон ГЭСинде төрт агрегаттын тең жабдуулары жаңыртылат

Үч-Коргон ГЭСинде станциянын негизги жабдууларын жаңыртуу жана белгиленген кубаттуулугун жогорулатуу максатында жүргүзүлүп жаткан жаңылоо иштери уланууда. Бул тууралуу Энергетика министрлигинин басма сөз кызматы билдирди. Маалыматка ылайык, учурда №1 жана №2 гидроагрегаттарды жаңыртуу иштери жүрүп жатат. Аларды 2026-жылдын аягына чейин жаңылап бүтүшөт. Бардык иштер аяктагандан кийин Үч-Коргон ГЭСинин