Пермь крайына Кыргызстандан 20,7 тонна жаңы сабиз жеткирилди
Россия Федеральдык ветеринардык жана фитосанитардык көзөмөл кызматынын башкармалыгы Пермь крайына Кыргызстандан салмагы 20,7 тонна болгон жаңы сабиздин биринчи партиясынын киргизилишин көзөмөлдөдү. Бул тууралуу ведомство маалымдады.
Алардын маалыматына ылайык, өткөн жылдын ушул эле мезгилинде мындай продукция аймакка келген эмес.
"Башкармалыктын кызматкерлери Өсүмдүктөрдүн карантини боюнча Бүткүл россиялык илимий-изилдөө институтуна караштуу Федералдык мамлекеттик бюджеттик мекемесинин Пермь филиалынын адистери менен биргеликте товарды коштогон документтерди текшерип, үлгүлөрдү алышты. Аталган продукцияда фитосанитардык сертификат бар болгон. Фитосанитардык көзөмөлдүн жыйынтыгында мыйзам бузуулар аныкталган жок, продукциядан карантиндик организмдер табылган жок", — деп айтылат билдирүүдө.
