Эл аралык аудит "Кумтөрдүн" отчеттуулугун тастыктады
Көз карандысыз аудитордук компания Ernst & Young 2025-жыл үчүн Кумтор Голд Компани ЖАКтын финансылык отчеттуулугун текшерүүнү аяктады.
Аудиттин жыйынтыгы боюнча, компаниянын отчету бардык негизги аспектилер боюнча 2025-жылдын 31-декабрына карата финансылык абалын, ошондой эле отчеттук мезгилдеги ишмердүүлүгүнүн жыйынтыктарын эл аралык стандарттарга ылайык туура чагылдырары аныкталды.
2025-жылдагы көрсөткүчтөр:
- киреше — 1,434 млрд доллар;
- таза пайда — 706 млн доллар.
Компаниянын Кыргызстандын экономикасына кошкон салымы:
- салыктар жана милдеттүү төлөмдөр — 246,5 млн доллар;
- дивиденддер — 300 млн доллар.
2025-жылы Кумтор кенинде 12 миң 81 килограмм алтын өндүрүлгөн.
Ernst & Young (EY) — аудит жана консалтинг тармагындагы дүйнөдөгү эң ири компаниялардын бири. Ал "Чоң төрттүккө" кирет жана ишмердүүлүгүнүн масштабы боюнча дүйнөдө 3-орунда турат. Компанияда 150дөн ашык өлкөдө 400 миңден ашуун кызматкер иштейт.
