7-июнь - Кыргызстандын финансы жана экономика кызматкерлеринин күнү

Жыл сайын 7-июнда Кыргыз Республикасында финансы-экономика чөйрөсүнүн кызматкерлери өздөрүнүн кесиптик майрамын белгилешет. Бул майрам финансы жана экономика тармагында эмгектенген кызматкерлерге таандык.

Майрам өлкөнүн социалдык-экономикалык өнүгүүсүнө экономиканын бардык тармактарынын финансылык жана экономикалык кызматкерлеринин кошкон салымынын маанилүүлүгүн белгилөө максатында уюштурулган.

Кыргызстанда финансылык ортомчулук жана камсыздандыруу кызматтарын көрсөтүү чөйрөсүндө 900гө жакын уюм иш жүргүзөт.

Улуттук статистика комитетинин маалыматына таянсак, аларда иштеген кызматкерлердин тизмелик саны 2024-жылдын январь-март айларында  24,6 миң адамды түзүп, 2023-жылдын январь-март айларына салыштырмалуу 11,4 %га көбөйгөн.

2023-2024-жж.финансылык ортомчулук жана мекемелердин кызматкерлеринин орточо айлык эмгек акысы жана тизмелик саны төмөндөгүдөй болгон:

2024-жылдын январь-март айларында финансылык ортомчулук уюмдары (банк секторун кошпогондо) тарабынан алынган дүң кирешенин көлөмү 14,8 млрд. сомду түзгөн. Бул көлөм кийинки ишканалар тарабынан түзүлгөн:

-         64% ашыгы - виртуалдык активдерге ээ бүтүмдөрдү жүзөгө ашыруучу финансылык ортомчулук уюмдары;

-        27% - банк чөйрөсүнөн тышкаркы кредит берүүчү уюмдар;

-        5,6%ы - камсыздандыруу компаниялары;

-        3%га жакыны бухгалтердик эсеп жана аудит.

 Финансылык ортомчулук чөйрөсүндөгү ишканалардын жалпы санынын жарымынан көбү үстүбүздөгү жылдын I кварталын 2,5 млрд. сом суммасындагы пайда менен аяктады, ал эми 15% чыгаша (0,2 млрд. сом) тартты. 2024-жылдын I кварталынын жыйынтыгы менен алар тарабынан 2,3 млрд. сом пайда өлчөмүндөгү оң сальдолоштурулган финансылык жыйынтык алынды.

Жогорку кесиптик окуу жайларында (ЖКОЖ), ошондой эле орто кесиптик билим берүү уюмдарында (ОКБУ) окуган студенттер арасында эң популярдуу адистик экономика жана башкаруу болуп саналат.