Депозиттерди коргоо агенттигинде 5,8 млн сомдук каржылык эреже бузулган
Эсептөө палатасынын текшерүүсүнүн жыйынтыгында Депозиттерди коргоо агенттигинде 5 млн 866,5 миң сомдук каржылык эреже бузуулар аныкталды.
Эсептөө паласы билдиргендей, аудит 2024–2025-жылдардагы ишмердүүлүктү камтып, негизги мүчүлүштүктөр эмгек акы фондун пайдаланууда жана ички документтерди жүргүзүүдө катталган.
Маалыматка ылайык, агенттикте бекитилген төлөмдөрдүн тизмесинде каралбаганына карабастан, кызматкерлерге материалдык жардам катары 5 млн 586,5 миң сом берилген. Ошондой эле ички документтердеги карама-каршылыктардан улам күз-кыш мезгилине жардам берүүдө 280 миң сомдук айырма аныкталган.
Текшерүүнүн жыйынтыгында Эсептөө палатасы агенттикке аныкталган кемчиликтерди жоюу, каражаттарды пайдаланууда көзөмөлдү күчөтүү жана каржылык тартипти жакшыртуу боюнча сунуштарды берди.
