Бостериде VIII Кыргыз-Россия экономикалык форуму болуп өттү
2026-жылдын 6-7-августунда Ысык-Көл облусунун Бостери айылында өткөн VIII Кыргыз-Россия экономикалык форуму болуп өтту. Иш-чара Евразия өкмөттөр аралык кеңешинин жыйынынын алкагында уюштурулуп, ага Кыргызстан менен Россиянын мамлекеттик органдарынын, бизнес ишканаларынын, өнүктүрүү институттарынын жана эксперттик коомчулуктун өкүлдөрү катышты.
Форумдун биринчи күнүнүн жыйынтыгында бир катар келишимдерге кол коюлду. Алардын арасында Ысык-Көл облусунда биринчи шамал электр станциясын (ветропарк) куруу жана эксплуатациялоо долбоорун колдоо боюнча макулдашууга "НоваВинд Кыргызстан" ЖЧКсы ("Росатом" МКнын шамал энергетикасы дивизионуна кирет) жана Россия-Кыргыз өнүктүрүү фонду кол коюшту. Долбоордун алгачкы жабдуулары Кыргызстанга жеткирилди.
Форумдун алкагында "Росатомдун" өкүлдөрү ишкердик программага катышышты. "Росатом" мамлекеттик корпорациясынын Кыргыз Республикасындагы өкүлчүлүгүнүн башкы директору Дмитрий Константинов"Энергетика – экономикалык өсүштүн негизи" сессиясынын модератору болду. Сессияда Кыргыз Республикасындагы энергетикалык долбоорлорду өнүктүрүү боюнча россия менен кыргызстандык көз караштар сунушталды.
Ал эми “Санариптик суверенитет” сессиясында спикер катары «Гринтех» ЖЧКсынын башкы директору Сергей Смирных катышты. Анда катышуучулар Россия менен Кыргызстандын санариптик суверенитетти калыптандыруу, жасалма интеллектти киргизүү жана башка технологиологиялык аспектилер боюнча мамилелерин талкуулашты.
Форумда ошондой эле жаштар багыты боюнча да иш жүргүзүлүп, аны мамлекеттик корпорация "Росатомдун" башкы директорунун алдындагы Impact Team 2050 Эл аралык жаштар консультативдик кеңешинин мүчөсү Бектан Кыдыев тааныштырды.
"Форумдун башкы натыйжасы — бул Россия менен Кыргызстандын кызматташтыгы ырааттуу жана максаттуу өнүгүп жаткандыгынын далили: келишимдерден — долбоорлорго, долбоорлордон - жаңы инфраструктурага жана өлкө экономикасы үчүн жаңы мүмкүнчүлүктөргө өтүүдө. Бул жаңы кубаттуулуктарды түзүү, энергобалансты диверсификациялоо, узак мөөнөттүү каржылоону тартуу жана энергосистеманын туруктуулугун чыңдоо болуп саналат. Биз Кыргызстан “жашыл” энергетика долбоорлоруна - долбоорлоодон жана курулуштан тартып объекттерди эксплуатациялоого чейин инвестиция салууга даяр “Росатом” сыяктуу ири катышуучулар үчүн тартуу борборуна айланып жатканына дагы бир ирет ынандык", – деп белгиледи «Росатом» мамлекеттик корпорациясынын Кыргыз Республикасындагы өкүлчүлүгүнүн башкы директору Дмитрий Константинов.
