“Биз эл менен» кайрымдуулук фонду элди алдап келгени айтылууда

“Биз эл менен» кайрымдуулук фонду элди алдап келгени айтылууда

Ички иштер министрлигине Бишкек шаарында жана өлкөнүн башка аймактарында өздөрүн кайрымдуулук уюмдарынын ыктыярчылары катары тааныштырып, коомдук жайларда, анын ичинде мечиттердин жанында жана жол жээктеринде жарандардан акча каражаттарын чогулткан адамдардын мыйзамсыз аракеттери тууралуу ыкчам маалымат келип түшкөн. Ыкчам-издөө иш-чараларынын жүрүшүндө 2019-жылдан бери иш алып барган «Биз эл менен» кайрымдуулук фонду аныкталып, анын жетекчисинин жана уюштуруучуларынын өздүгү такталган.

Аталган факт боюнча Кыргыз Республикасынын Кылмыш-жаза кодексинин Алдамчылык беренеси менен кылмыш иши козголгон. Жүргүзүлгөн финансылык талдоонун жыйынтыгында фонддун жетекчисинин жана уюштуруучуларынын банктык эсептери аркылуу ири суммадагы акча каражаттары жүгүртүлгөнү аныкталган.

ИИМдин басма сөз кызматынын маалыматына караганда, 2026-жылы жетекчинин эсептеринин биринде 41 миңден ашуун операция жүргүзүлүп, жалпы жүгүртүүнүн көлөмү 12 млн сомдон ашкан. 2024–2026-жылдар аралыгында келтирилген зыяндын көлөмү болжол менен 30 млн сомду түзөт.

Жүргүзүлгөн ыкчам-издөө иш-чараларынын алкагында ИИМдин Кылмыш иликтөө башкы башкармалыгынын жана Тергөө кызматынын кызматкерлери тарабынан фонддун жетекчиси 1993-жылы туулган Б.кызы Т. Бишкек шаарында кармалган. Анын жашаган жеринде жана автоунаасында тинтүү жүргүзүлүп, кылмыш иши үчүн маанилүү болгон документтер жана башка буюмдар алынган.

Соттун чечими менен ага карата бөгөт коюу чарасы катары камакка алуу түрү тандалып, №1 тергөө абагына киргизилген. Учурда тергөө иштери улантылып, акча каражаттарынын кыймылы, келтирилген зыяндын так көлөмү жана башка адамдардын кылмыш ишине тиешеси бар-жогу аныкталууда.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Бишкек ЖЭБ бир суткада канча энергия өндүрө алды?

Кызыл-Кыяда 5 400 орундуу стадион реконструкцияланууда

Күч түзүмдөрүнүн кызматкерлерине дагы 1 786 батир берилет

Бишкекте мыйзамсыз такси кызматтарына каршы рейд өттү

2050-жылга карата Борбор Азиянын мөңгүлөрү 60–80 пайызга чейин кыскарышы мүмкүн