Кыргызстан ШКУ алкагындагы соода-экономикалык кызматташтыкты талкуулады
Экономика жана коммерция министринин орун басары Искендер Асылкулов 17-сентябрда Душанбеде өткөн Шанхай кызматташтык уюмуна (ШКУ) мүчө мамлекеттердин тышкы экономикалык жана тышкы соода ишмердигине жооптуу министрлеринин 25-жыйынына катышты.
Министрликтин билдирсн караганда, жыйында ШКУ алкагындагы соода-экономикалык кызматташтыкты мындан ары тереңдетүү маселелери талкууланды. Тараптар бул багыттагы кызматташтыкты ырааттуу бекемдөөгө кызыкдар экенин билдиришти.
Жыйындын жыйынтыгында ШКУга мүчө мамлекеттердин министрлеринин билдирүүсү кабыл алынып, 2026–2030-жылдарга көп тараптуу соода-экономикалык кызматташтык программасын ишке ашыруу боюнча иш-чаралар планы макулдашылды.
