Туристтик жайдан эл аралык каржы борборуна: Того делегациясы Тамчынын моделине кызыгууда

Туристтик жайдан эл аралык каржы борборуна: Того делегациясы Тамчынын моделине кызыгууда

Того Республикасынын делегациясы Тамчы атайын финансылык-инвестициялык аймагына барып, анын ишмердүүлүгү жана өзгөчө укуктук-салыктык режими менен таанышты. Делегацияны Инвестицияларды илгерилетүү, өнөр жай жана экономикалык эгемендүүлүк боюнча министр-делегат Артур Лилас Тримуа жетектеди.

Делегациянын курамында парламенттин мүчөсү, Экономикалык маселелер боюнча комитеттин төрагасы Мавусси Джоссу Семонджи, сенатор, Каржы маселелери боюнча комитеттин төрагасы Аджи Отет Аяссор, сенатор Алексис Джон Коффи Дарвин Акеребуру жана каржы жана бюджет министринин кеңешчиси Мойем Баниаб болду.

Сапардын жүрүшүндө Того өкүлдөрүнө Тамчы атайын финансы - инвестициялык аймагынын инфраструктурасы көрсөтүлдү. Тамчы атайын финансы жана инвестиция институтунун каттоочусунун башкы директору Искендер Сыдыгалиев аймактын ишмердүүлүгү, атайын укуктук жана салыктык режими, ошондой эле инвесторлор жана резиденттер үчүн мүмкүнчүлүктөр тууралуу маалымат берди.

Жолугушууда Кыргызстанда Тамчы финансы жана инвестиция институтун түзүү жана анын ишмердүүлүгүнүн укуктук базасын иштеп чыгуу тажрыйбасы талкууланды. Того тарап тиешелүү мыйзамдарды иштеп чыгуу жана кабыл алуу этаптарына, аймактын ишмердүүлүгүн уюштурууга жана Евразия экономикалык биримдигинин алкагындагы атайын режимдин өзгөчөлүктөрүнө кызыкты.

“Мен аткарылган иштерге жана бир жылдан аз убакыттын ичинде күчтүү саясий эрк менен туристтик жайды эл аралык каржы борборуна айландырууга таасирлендим. Тамчы финансы жана инвестиция институту көптөгөн африкалык өлкөлөр үчүн үлгү боло алат, анткени ал инвесторлорду тартуу жана инвестицияларды өлкөнүн экономикалык өнүгүүсүнө багыттоо үчүн шарттарды түзөт. Бул тажрыйба биздин өлкөлөр үчүн, анын ичинде Того үчүн чоң кызыгууну жаратат”, — деди Артур Лилас Тримуа.

Тамчы атайын финансыжана инвестиция институтунун өкүлдөрү Того тарап менен каржы юрисдикцияларын түзүү жана өнүктүрүү боюнча кесиптик алмашууну улантууга даяр экенин билдиришти.

☝🏻
“Тамчы” АФИА 2025-жылдын 10-июлундагы №136 мыйзамынын негизинде түзүлгөн. 2035-жылга чейин аймакта 3 900дөн ашык компанияны жайгаштыруу жана 10 миңден ашуун жумуш орду түзүлмөкчү. Ал англис мыйзамдарынын принциптерине негизделген жана эл аралык жөнгө салуунун мыкты тажрыйбаларын колдонуу менен өзгөчө юрисдикцияга ээ - аймак болуп саналат.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Bishkek Snow Leopard Run: марафондон жаратылышка жардам (видео)

2027-жылдын бюджетинде кайсы тармактарга канча каражат каралды?

Нурдан Орунтаев 100дөн ашык курулуш компаниясынын жетекчилери менен жолугушту

Кызыл-Кыядагы жылуулук ишкана кышкы сезонго даяр

Таласта мыйзамсыз реконструкциялоо иштери аныкталды