Таласта жаңы ооруканалар жана перинаталдык борбор курулууда
Талас облусунда саламаттык сактоо инфраструктурасын өнүктүрүү багытында бир катар курулуш иштери жүргүзүлүүдө. Бул тууралуу мамлекет башчысы Садыр Жапаров жергиликтүү тургундар менен жолугушууда билдирди.
Анын айтымында, учурда Талас шаарында перинаталдык борбордун курулушу жүрүп жатат.
Талас районунун Көпүрө-Базар айылындагы 25 орундуу оорукананын курулушу 74 %га аткарылган. Ал эми Бакай-Ата районунда 100 орундуу Жалпы дарыгерлер практикалык борборунун имаратынын курулушу жаңыдан башталды.
Мындан тышкары, 2027-жылы Талас облустук бириккен ооруканасынын 350 орундуу имаратын куруу пландалууда.
Ошондой эле Талас, Манас жана Айтматов райондорунун ар бирине 100 орундуу Жалпы дарыгерлер практикалык борборлорун куруу каралууда.
Күндүн негизги жаңылыктары — Telegram каналыбызда
Каналга катталуу
