Россияда Кыргыз жаранына 988 миң рубль эмгек акысы төлөнүп берилди

Россияда Кыргызстандын жаранына 988 миң рубль өлчөмүндөгү эмгек акы боюнча карыз төлөнүп берилди. Бул тууралуу Эмгек министрлигинен бүгүн кабарлашты.

Маалыматка ылайык, жарандын эмгек акысын өндүрүүгө министрликтин Россиядагы өкүлчүлүгү жардам көрсөттү.

Жарандын кайрылуусунун негизинде Өкүлчүлүк тарабынан тиешелүү иш-чаралар жүргүзүлүп, анын жыйынтыгында "Протекинком "ЖЧКсы эмгек акы боюнча карызын толугу менен төлөп берди.

Төлөнгөн сумманын жалпы көлөмү 988 131 рублду түздү.