Түп районунда 275 орундуу мектеп курулууда
Ысык-Көл облусунун Түп районуна караштуу Көөчү айылында 275 окуучуга ылайыкталган жаңы мектептин курулушу жүрүп жатат. Бул тууралуу Курулуш министрлиги билдирди.
Маалыматка караганда, долбоор республикалык бюджеттен каржыланып, жалпы баасы 218 миллион сомду түзөт.
Курулуш иштери 2025-жылдын декабрь айында башталган. Учурда эки кабаттуу имараттын дубалдары тургузулуп, чатырын жабууга даярдык көрүлүүдө.
Жаңы мектепте окуу класстарынан тышкары компьютердик класс, лаборатория, китепкана, ашкана, медициналык бөлмө жана жыйындар залы болот.
Курулуштун сапаты тиешелүү мамлекеттик мекеме тарабынан көзөмөлдөнүүдө.
Күндүн негизги жаңылыктары — Telegram каналыбызда
Каналга катталуу