Энергетика

Былтыр Бишкекте 7 көмөк чордондун кубаттуулугу жогорулатылган

Айгерим Качкынбекова

16 февр. 2026 11:48

Энергетика министрлигинин күз-кыш мезгилине даярдык жана калкты сапаттуу электр энергиясы менен камсыз кылуу боюнча тапшырмасынын алкагында, "КУЭТ" ААКтын филиалы — Бишкек электр тармактар ишканасы ири иштерди жүргүздү.

Ведомстводон билдиришкендей, 2025-жылы калкы жыш жайгашкан жана электр керектөөсү өсүп жаткан аймактардагы 7 көмөк чордондун кубаттуулугу жогорулатылган:

"Көк-Жар" жана "Орто-Алыш" көмөк чордондорунда 25 МВА трансформаторлор 40 МВАга алмаштырылды;

"Алтын-Казык" жана "Берлик" көмөк чордондорунда 16 МВА трансформаторлор 25 МВАга алмаштырылды;

"Водоканал" көмөк чордонунда 6,3 МВА трансформатор 16 МВАга;

"Карагачевая" жана "Төмөнкү Ала-Арча" көмөк чордондорунда 4 МВА трансформаторлор 6,3 МВАга алмаштырылды.

Жүргүзүлгөн иштер электр тармактарынын өткөрүү мүмкүнчүлүгүн жогорулатып, керектөөчүлөрдү туруктуу жана сапаттуу электр энергиясы менен камсыз кылууга шарт түздү.

Мындан тышкары, 2026-жылы дагы эки көмөкчүнүн кубаттуулугу жогорулатылат:

"Кызыл-Аскер" көмөк чордонунда 25 МВА трансформатор 40 МВАга;

"Центральная-3" көмөк чордонунда 6,3 МВА трансформатор 16 МВАга алмаштырылат.

Акыркы жылдары Бишкек шаарында жаңы турак жай конуштары, өндүрүштүк жана социалдык объекттер көбөйгөндүктөн, электр тармактарына түшкөн жүктөм артты. Кубаттуулугу жогорулатылган трансформаторлор калкты үзгүлтүксүз электр менен камсыз кылууга жана тармактардын ишенимдүүлүгүн жогорулатууга мүмкүндүк берет.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”