Айыл чарбасына "жашыл" энергияны киргизүү талкууланды

Суу ресурстары, айыл чарба жана кайра иштетүү министри Эрлист Акунбеков чакан кубаттуулуктагы кайра жаралуучу энергия булактары боюнча комитеттин төрагасы Азамат Осмонбаев менен жумушчу жолугушуу өткөрдү. Бул тууралуу ведомстводон билдиришти.

Маалыматка ылайык, жолугушууда агроөнөр жай комплексине заманбап жана инновациялык технологияларды киргизүү, өндүрүштүн натыйжалуулугун жогорулатуу жана жаратылыш ресурстарын сарамжалдуу пайдалануу маселелери каралды.

Ошондой эле тараптар айыл чарбасында кайра жаралуучу энергия булактарын колдонуу мүмкүнчүлүктөрүн, пилоттук долбоорлорду ишке ашырууну жана бул багыттагы кызматташууну кеңейтүү маселелерин талкуулашты.

Жолугушууда кайра жаралуучу энергияны пайдалануу агроөнөр жай комплексинин туруктуу өнүгүүсүнө өбөлгө түзөрү белгиленди.