Коом

Тилек Сулайманов: "Чыгырыктар үчүн 200-300 атайын токтотуучу жай уюштурабыз"

Ишкер Media

29 окт. 2025 13:44

Бишкекте чыгырыктар (электросамокаттар) үчүн 200–300 атайын токтотуучу жайлар уюштурулат. “Яндекс Кыргызстан” компаниясынын жетекчиси Тилек Сулаймановдун маалыматына караганда, бул иш-чаралар самокаттарды колдонууну жөнгө салууга жана шаардагы жол кыймылынын коопсуздугун камсыздоого багытталат.

Анын айтымында, чыгырыктарды колдонуучулардын 70%ы көңүл ачуу үчүн эмес, бир жерден экинчи жерге жеткирүүчү каражат катары колдонушат. Андыктан, электросамокаттар коомдук транспорттун жүгүн жеңилдетип, жол тыгындарын азайтууга жардам берүүдө.

Сулайманов кошумчалагандай, октябрдын ортосунда Бишкекте мэриянын жана кикшеринг компанияларынын өкүлдөрүнүн жолугушуусу өтүп, тротуарларда самокаттардын коопсуз жүрүүсүн камсыздоо маселелери талкууланган. Ошондой эле жолугушууда кикшеринг компанияларын көзөмөлдөө үчүн бирдиктүү операторду түзүү маселеси каралган.

“Эгер коопсуздук жөнүндө сөз кылсак, биз самокаттарды туура колдонууга үйрөтүү үчүн атайын окутуу иш-чараларын өткөрүп турабыз. Акыркысы августта өткөн. Бул окууда колдонуучулар самокатты кантип туура колдонуу керектигин, жол эрежелерин, тротуарларда кантип сак жүрүү керектигин, ошондой эле кайсы аймактада самокат колдонууга болбой турганын үйрөнүшөт. Самокаттарды колдонуудан мурун ар бир адам тиркеме аркылуу атайын колдонуу эрежелерин өтөт”, — деди Тилек Сулайманов.

Негизинен тиркемеде виртуалдык парковка жайлары көрсөтүлгөн, бирок көп колдонуучулар кайсы жерге токтотууга болорун билбей келет. Ошондуктан шаарда 200–300 атайын токтотуучу жайын уюштуруу пландалууда.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”