Өлкөгө 7,6 млн сомдук дары-дармекти мыйзамсыз алып кирүү аракети токтотулду

Мамлекеттик салык кызматынын кызматкерлери УКМК менен биргеликте "Ак-Тилек" көзөмөл-өткөрүү пунктунда мыйзамсыз товар ташуу фактысын аныкташты. Бул тууралуу Салык кызматынан билдиришти.

Рейд учурунда жүк ташуучу автоунаа текшерилип, тиешелүү коштомо документтери жок дары-дармектер, медициналык буюмдар жана ар кандай азык-түлүктөр табылган.

Алдын ала эсептөөлөр боюнча, мыйзамсыз алып кирилген товарлардын жалпы баасы 7,6 млн сомдон ашат.

Учурда тиешелүү чаралар көрүлүүдө.