Урук чачуу мезгилине байланыштуу балык уулоого убактылуу тыюу салынды
Балыктардын урук чачуу мезгилинде спорттук жана ышкыбоздук балык уулоого убактылуу тыюу салынганын Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, Ысык-Көл чабагына 1-апрелден 15-майга чейин, майда балыктарга 1-майдан 1-июлуна, ал эми каңылтыр балыгына 15-майдан 15-июлга чейин электрондук балык уулоо билети убактылуу токтотулат.
Республиканын суу объектилеринде болсо, чоң балыктарга - 5-майдан 20-июнга, майда балыктарга - 15-апрелден 5-июнга, дарыя маринкасына –15-майдан 1-июлга чейин тыюу салынат.
Ошондой эле дарыялардагы баалуу балыктарга османга –1-июндан 15-июлга чейин, амударыя форелине –15-октябрдан 15-декабрга, ысык-көл форелине –1-октябрдан 15-декабрга чейин тыюу салынды.
