Дыйкандарга 2% менен насыя: сугат системаларына 500 млн сом бөлүндү
Суу ресурстары, айыл чарба жана кайра иштетүү өнөр жайы министрлиги суу үнөмдөөчү технологияларды киргизүүгө багытталган жеңилдетилген насыя берүү программасы башталганын билдирди.
Ведомствонун маалыматына ылайык, программа айыл чарбасында суу ресурстарын натыйжалуу пайдаланууну жогорулатуу жана өндүрүүчүлөрдү колдоо максатында ишке ашырылууда. Жалпы каржылоо көлөмү 500 млн сомду түзөт.
Программанын алкагында дыйкандар заманбап сугат системаларын, анын ичинде жамгырлатма жабдууларды сатып алып, орното алышат.
Насыя төмөнкү шарттар менен берилет:
- пайыздык чен — жылына 2%
- мөөнөтү — 7 жылга чейин
- жеңилдетилген мезгил — 12 айга чейин
Арыз берүүчүлөрдү тандоо жергиликтүү өз алдынча башкаруу органдары менен биргеликте жүргүзүлөт. Насыялар "Мамлекеттик финансылык холдинг" ААК аркылуу берилет.
Кенен маалымат алуу жана арыз берүү үчүн жарандар жергиликтүү бийлик органдарына кайрыла алышат.
