Бишкектин айрым жерлеринде 25-майда суу өчүрүлөт
25-май күнү саат 10:00дөн 17:00гө чейин Бишкектин айрым аймактарында ичүүчү суу убактылуу өчүрүлөт.
“Бишкексууканал” ишканасынын маалыматына ылайык, суу турак жайларга, мектептерге, бала бакчаларга, саламаттык сактоо мекемелерине жана башка социалдык-өнөр жай объектилерине берилбей калат.
Өчүрүү аймагы Жунусалиев көчөсү, Гагарин көчөсү, Абдраимов көчөсү, Балтагулов көчөсү, Чыңгыз Айтматов проспектиси, Сухомлинов, Руставели жана Айни көчөлөрү менен чектелет.
Маалыматка ылайык, суу берүү Жаманбаев көчөсүндөгү диаметри 400 мм болгон суу түтүгүн көчүрүү иштерине байланыштуу токтотулат.
Ишкана тургундарды алдын ала ичүүчү суу камдап алууга чакырып, жаралган ыңгайсыздыктар үчүн кечирим сурады.
