Кыргызстан менен Польша миграция боюнча кызматташтыкты күчөтөт

Эмгек, социалдык камсыздоо жана миграция министрлигинде кыргыз-поляк миграция тармагындагы кызматташтык маселелери боюнча жолугушуу өттү.

Ведомствонун маалыматына ылайык, жолугушууга министрдин орун басары М. Байгончоков жана Польша Республикасынын тышкы иштер министринин орун басары В. Зайончковский катышты.

Тараптар миграция тармагындагы эки тараптуу кызматташтыктын учурдагы абалын жана аны өнүктүрүү келечегин талкуулап, өз ара кызыкчылык жараткан актуалдуу маселелер боюнча пикир алышты.

Жыйынтыгында тараптар конструктивдүү диалогду улантууга жана кыргыз-поляк кызматташтыгын мындан ары өнүктүрүүгө даяр экенин билдиришти.