Кочкордо заманбап спорткомплекс курулуп жатат
Нарын облусунун Кочкор районунда заманбап спорткомплекстин курулушу жүрүп жатат. Долбоор Курулуш, архитектура жана турак жай-коммуналдык чарба министрлигинин алдындагы "Кыргызкурулуш" мамлекеттик ишканасы тарабынан ишке ашырылууда.
Ведомствонун маалыматына ылайык, спорттук объект Президенттин турукташтыруу фондунун каражаттарынын эсебинен каржыланууда.
Башкы планга ылайык, эки кабаттуу имараттын жалпы аянты 1433 чарчы метрди түзөт. Комплексте 230 көрүүчүгө ылайыкталган күрөш жана бокс залдары, машыктыруучулар үчүн кабинеттер, ошондой эле спортчулар үчүн бардык шарттары каралган жатак бөлмөлөрү жайгашат.
Курулуш-монтаждоо иштеринин сапаты жана аткарылышы Курулуш министрлигинин тиешелүү департаменттери тарабынан көзөмөлдөнүүдө.
Учурда спорткомплекстин курулушу 45%га аяктап, объектте иштер белгиленген графикке ылайык улантылууда.
