ӨКМ: Тоолуу аймактарда сел жүрүү коркунучу сакталууда

9-июндан 12-июнга чейин республиканын тоолуу жана тоо этектериндеги райондорунда аба ырайынын туруксуздугуна жана күтүлүп жаткан нөшөрлүү жаан-чачынга байланыштуу сел жүрүшү мүмкүн. Бул тууралуу Өзгөчө кырдаалдар министрлиги билдирди.

Министрликтин маалыматына ылайык, аталган мезгил аралыгында дарыяларда суунун деңгээли көтөрүлүшү күтүлөт.

ӨКМ жарандарды аба ырайынын өзгөрүшүнө байланыштуу берилген маалыматтарды эске алууга чакырат.