Президент мамлекеттик сыйлыктар боюнча жаңы өзгөртүүгө кол койду
Президент Садыр Жапаров "Кыргыз Республикасынын Президентине караштуу Мамлекеттик сыйлыктар боюнча комиссиянын маселелери жөнүндө" жарлыкка өзгөртүү киргизүү тууралуу жарлыкка кол койду.
Президенттин басма сөз кызматынан билдиришкендей, өзгөртүү Кыргыз Республикасынын Президентинин 2021-жылдын 19-мартындагы №78 жарлыгы менен бекитилген Мамлекеттик сыйлыктар боюнча комиссия жөнүндө жобого киргизилди.
Жаңы редакцияга ылайык, "Кыргыз Республикасынын Эл Баатыры" эң жогорку артыкчылык даражасын жана "Эмгек Баатыры" артыкчылык даражасын ыйгаруу маселелери мындан ары Мамлекеттик сыйлыктар боюнча комиссиянын жыйналышында гана каралат.
Жарлык Кыргыз Республикасынын Конституциясынын 70-беренесинин 10-бөлүгүнүн 1-пунктуна жана 71-беренесине ылайык кабыл алынган.
