Таласта документтери жок курулуш жүргүзгөн ишкер 200 миң сом айыпка жыгылды

Талас облусундагы "Маржан Апа" эс алуу борборунун курулушунда мыйзам бузуулар аныкталып, курулуш иштерин жүргүзгөн жеке ишкерге 200 миң сом айып пул салынды.

Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Талас региондук башкармалыгы Айтматов районунун Кара-Сай айылындагы "Маржан Апа" эс алуу борборунун курулушун текшерди.

Текшерүүнүн жүрүшүндө объект шаар куруу жана архитектуралык корутундусу, ошондой эле бекитилген долбоордук документациясы жок курулуп жатканы аныкталган.

Бул мыйзам бузуулар үчүн курулуш иштерин жүргүзгөн жеке ишкер А.У.Б.га 200 миң сом өлчөмүндө айып пул салынды.

Ошондой эле аныкталган мыйзам бузууларды жоюу жана курулуш иштерин мыйзам талаптарына ылайык келтирүү боюнча жазуу түрүндө эскертүү берилди.