Таласта гектарынан 10 тоннага чейин түшүм берген кара кожогат өстүрүлүүдө
Талас облусунун Манас районунун тургуну Чубак Жолдошбеков 3,6 гектар аянтка эгилген Лохнес сортундагы кара кожогаттын алгачкы түшүмүн жыйноону баштады. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Дыйкан бул сортту былтыр отургузуп, быйыл биринчи жолу түшүм алып жатканын билдирди.
Анын айтымында, Лохнес сортундагы кара кожогаттын бир түбүнөн 15 килограммга чейин мөмө алууга болот. Учурда гектарынан 10 тоннага чейин түшүм алуу пландалууда.
Жыйналган түшүм коңшу Айтматов районуна жеткирилип, дүң баада килограммы 200–250 сомдон сатылып жатат.
Дыйкандын белгилешинче, кара кожогат Талас облусунун климаттык шарттарына жакшы ыңгайлашып, мол түшүм берет. Мындан тышкары, витаминге бай мөмөгө болгон суроо-талап да жогору.
