Ошто 312 орундуу жаңы мектептин курулушу уланууда
Ош шаарында курулуп жаткан 10 жаңы мектептин бири болгон №33 С. Алыкулов атындагы мектептин курулушу уланууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
Долбоорго ылайык, мектеп эки блоктон турган үч кабаттуу имарат болуп курулат. Ал 312 окуучугаылайыкталып, жалпы аянты 3 840 чарчы метрди түзөт. Имаратта окуучулардын сапаттуу билим алышы үчүн бардык шарттар каралат.
Учурда курулуш-монтаждоо иштери активдүү жүрүп жатат. Имараттын чатыры жабылып, ички монтаждоо иштери жүргүзүлүүдө.
Министрлик белгилегендей, курулуштун сапаты жана аткарылып жаткан иштердин жүрүшү тиешелүү департаменттер тарабынан туруктуу көзөмөлгө алынган.
