Коом

Кыргызстан БУУ менен тынчтык орнотуу чөйрөсүндөгү кызматташууну талкуулады

Ишкер Media

15 сент. 2026 13:24

Тышкы иштер министринин орун басары Медер Абакиров БУУнун Тынчтык орнотуу операциялары боюнча Башкы катчысынын орун басары Жан-Пьер Лакруа менен жолугушту. Бул тууралуу министрликтен билдиришти.

Маалымдалгандай, тараптар Кыргызстандын БУУ менен эл аралык тынчтыкты жана коопсуздукту сактоо жаатындагы кызматташтыгын талкуулашты. Анын ичинде Кыргызстандын 2027–2028-жылдарга БУУнун Коопсуздук Кеңешинин туруктуу эмес мүчөсү катары алдыдагы ишмердигинин алкагындагы өз ара аракеттенүү маселелери каралды.

Жолугушууда алдын алуу дипломатиясын чыңдоо, тынчтык орнотуу миссияларынын реалдуу мандаттарын түзүү, БУУнун персоналынын коопсуздугун камсыз кылуу жана жарандык калкты коргоо маселелерине өзгөчө көңүл бурулду. Ошондой эле тынчтык орнотуу операцияларынын натыйжалуулугун жана туруктуулугун жогорулатуу боюнча пикир алмашуу болду.

Тараптар кыргызстандык аскер кызматчыларынын БУУнун тынчтык орнотуу миссияларына катышуусун да талкуулап, тынчтык орнотуучу персоналдын коопсуздугун камсыз кылуунун маанилүүлүгүн белгилешти.

Жолугушуунун жыйынтыгында тараптар эл аралык тынчтык жана коопсуздук маселелери боюнча кызматташтыкты мындан ары бекемдөөгө, ошондой эле Кыргызстандын БУУнун Коопсуздук Кеңешиндеги алдыдагы мүчөлүгүнүн алкагындагы артыкчылыктарын ишке ашырууга даяр экенин билдиришти

Мындан тышкары окуңуз

"Кыргызфармация" ата мекендик өндүрүүчүлөр менен кызматташууну күчөтөт

15-сентябрда "Кыргызфармация" мамлекеттик ишканасында дары-дармек каражаттарын жана медициналык буюмдарды чыгарган ата мекендик өндүрүүчүлөрдүн өкүлдөрү менен жумушчу жолугушуу өттү. Бул тууралуу аталган ишканадан билдиришти. Жолугушуу министрлер кабинетинин 2025-жылдын 14-мартындагы №165-р тескемесин аткаруу, ата мекендик өндүрүштү колдоо жана өнүктүрүү, ошондой эле 2027-жылга дары-дармек

Жаңы окуу жылына карата өлкө боюнча 81 мектеп пайдаланууга берилди

2026–2027-жаңы окуу жылына карата республика боюнча 81 мектептин курулушу жана капиталдык оңдоп-түзөө иштери толук аяктады. Алардын ичинен 40 объект жаңыдан курулса, 41 билим берүү мекемесинде капиталдык оңдоп-түзөө жүргүзүлдү. Курулуш министрлиги билдиргендей, Бишкек шаарында 9, Чүй облусунда 4, Баткен облусунда 5, Жалал-Абад облусунда 26, Ысык-Көлдө

Ат-Башы ГЭСинде күз-кыш мезгилине даярдык үчүн үч гидроагрегат оңдолду

Ат-Башы гидроэлектр станциясында 2026–2027-жылдардын күз-кыш мезгилине даярдык иштери жүрүп жатат. Учурда №1, №2 жана №3 гидроагрегаттарында кезектеги оңдоо иштери толугу менен аяктады. Энергетика министрлиги билдиргендей, оңдоо иштеринин алкагында станциянын өндүрүштүк имараттарына капиталдык оңдоо жүргүзүлүп, Т-1 жана Т-2 трансформатордук аянтчалары тегизделип, шагыл төшөлдү. Ошондой эле

Кыргызстанда 213 979 адам пенсиялык топтоо каражаттарын алышты

Кыргыз Республикасынын жарандарынын жашоо сапатын жакшыртуу жана социалдык бакубаттуулугун камсыз кылуу максатында пенсиялык топтоо каражаттарын пайдалануунун жол жобосуна ылайык, 2026-жылдын 1-сентябрына карата каржылоонун статистикасы Социалдык фонд жарыялады. Билдирүүгө карата, 2026-жылдын 1-сентябрына карата топтомо каражаттарын республика боюнча жалпы- 246 866 адам (7 208,5 млн. сом суммасында)