Ош облусунда магнитудасы 3 болгон жер титирөө катталды
Бүгүн эртең менен Кыргызстандын аймагында магнитудасы 3 болгон жер титирөө катталды. Силкинүү Ош облусунун айрым калктуу конуштарында сезилген. Бул тууралуу Улуттук илимдер академиясынын Сейсмология институту билдирди.
Жер титирөө саат 07:55те болгон. Анын очогу 20 чакырым тереңдикте жайгашып, очогундагы күчү болжол менен 3 баллды түзгөн.
Жер титирөөнүн эпицентри Шоро-Башат айылынан 10 чакырым түштүк-батышта, Шералы айылынан 8 чакырым түндүк-батышта, Манас шаарынан 21 чакырым түштүк-чыгышта жана Ош шаарынан 45 чакырым түндүк-чыгышта жайгашкан.
Шоро-Башат айылында жер титирөө болжол менен 2,5 балл күчүндө сезилген.
Бул Кыргызстанда акыркы бир жума ичинде катталган биринчи жер титирөө эмес. Сейсмология институтунун маалыматына ылайык, 9-сентябрда кечинде өлкө аймагында жарым саатка жетпеген аралыкта магнитудасы 3,4 жана 4 болгон эки жер титирөө катталган.
