Бишкекте айыл чарба продукциясынын сапаты жана экспорт боюнча семинар өтүүдө
16–18-сентябрда Бишкекте айыл чарба продукциясынын сапатын жогорулатуу жана экспорттук көзөмөлдү өркүндөтүү боюнча семинар өтүүдө. Бул тууралуу Айыл чарба министрлиги кабарлады.
Иш-чарага БУУ ЕЭК, БУУӨП, ЭКӨУ жана Hilfswerk International уюмдарынын өкүлдөрү катышууда. Семинардын жүрүшүндө эл аралык стандарттар, чет өлкөлүк рыноктордун талаптары жана продукциянын шайкештигин тастыктоо маселелери талкууланууда.
Министрдин орун басары Мирбек Дүйшеев айыл чарба продукциясынын сапатын жогорулатуу, кайра иштетүүнү өнүктүрүү жана Кыргызстандын экспорттук мүмкүнчүлүктөрүн кеңейтүү маанилүү экенин белгиледи.
