Бишкектин айрым райондорунда ичүүчү суу убактылуу токтойт
“Бишкексууканал” муниципалдык ишканасы суу алгычтарда жана шаардык суу түтүктөрүндө оңдоо-профилактикалык иштердин жүргүзүлүшүнө байланыштуу Бишкектин айрым райондорунда ичүүчү суу убактылуу токтотуларын маалымдады.
Билдирүүгө караганда, 22-сентябрда саат 09:00дөн 19:00гө чейин турак үйлөргө, мектептерге, мектепке чейинки билим берүү уюмдарына, саламаттык сактоо объектилерине, ошондой эле социалдык-тиричилик жана өндүрүштүк багыттагы башка объектилерге ичүүчү суу берүү токтотулат.
Суу өчүрүлө турган аймактарга - Достоевский, Анкара жана Ауэзов көчөлөрү, темир жолдун жээгиндеги аймак, “Алтын-Ордо”, “Кара-Жыгач” конуштары жана “Полиция шаарчасы” кирет.
Ичүүчү сууну убактылуу токтотуу «Контррезервуарлар» суу топтомосунда жана шаардык суу түтүктөрүндө оңдоо-профилактикалык иштердин жүргүзүлүшүнө байланыштуу.
Ал эми 24-сентябрда саат 09:00дөн 17:00гө чейин шаардын Күрөңкеев көчөсү, Абдрахманов көчөсү, Бельская көчөсү, Ала-Арча дарыясынын жээгиндеги аймак, Жибек Жолу проспектиси, Айдарбеков көчөсү, БЧК, Саадаев көчөсү — Күрөңкөев көчөсүнөн Краснодонцев көчөсүнө чейинки бөлүгү, ошондой эле Ала-Арча дарыясынын түндүк тарабындагы аймак жана Маевка айылында ичүүчү суу берүү убактылуу токтотулат.
Мындан тышкары, “Красный Строитель”, “Ак-Тилек”, “Көлмө”, “Алтын-Бешик”, “Салам-Алик”, “Ак-Босого” конуштарына, ошондой эле Ала-Арча айылына суу берүү убактылуу токтотулат.
Ичүүчү сууну убактылуу токтотуу “Түндүк” суу топтомосунда жана шаардык суу түтүктөрүндө оңдоо-профилактикалык иштердин жүргүзүлүшүнө байланыштырышууда.
Белгилей кетсек, ичүүчү суунун пландуу жана авариялык өчүрүүлөрү тууралуу билдирмелерди «Менин шаарым» мобилдик тиркемеси аркылуу алууга болот.
