Кореяда иштеген кыргызстандыктар бир жолку төлөмдөрдү алууда
Түштүк Кореяда расмий түрдө иштеп, эмгек акысынан пенсиялык төгүмдөрү кармалган Кыргызстандын жарандары мекенине кайтып келгенден кийин бир жолку төлөмдөрдү алууда. Бул тууралуу Социалдык фонд билдирди.
Маалыматка ылайык, бүгүнкү күнгө карата Кореянын Улуттук пенсиялык кызматынан пенсиялык топтомолор боюнча бир жолку төлөм алуу үчүн 151 жаран кайрылган.
Анын ичинен 126 жаранга төлөм дайындалып, толугу менен төлөп берилди, 25 жаран учурда чечимди күтүүдө.Бир жолку төлөмдүн орточо өлчөмү 3 789 АКШ долларын түздү.
