Ош облусунда ӨКМдин республикалык машыгуусу башталды
Бүгүн Ош облусунда Өзгөчө кырдаалдар министрлигинин республикалык командалык-штабдык машыгуусу башталды. Бул тууралуу министрликтен кабарлашты.
Малымдалгандай, машыгуу президент Садыр Жапаровдун 29-январдагы №20 Жарлыгы менен бекитилген Жарандык коргонууну даярдоо планынын негизинде өтүп жатат.
Иш-чарага ӨКМ министринин орун басары Алмазбек Асанов, президенттин Ош облусундагы өкүлү Аманкан Кенжебаев жана Жарандык коргонуу түзүмдөрүнүн жетекчилери катышууда.
Машыгуунун алкагында катуу жер титирөөнүн кесепеттерин жоюу, уранды астында калгандарды издөө, жабыркагандарды эвакуациялоо, өрт өчүрүү, медициналык жардам көрсөтүү жана калкты коопсуз аймакка чыгаруу боюнча практикалык иштер аткарылат.
Машыгуу 25-сентябрга чейин уланат.
