Коом

Ош облусунда "Ала-Тоо Амир" ишканасына 34,2 млн сомдук линия берилди

Ишкер Media

23 сент. 2026 17:35

Бүгүн президенттин Ош облусундагы ыйгарым укуктуу өкүлү Аманкан Кенжебаев "Ала-Тоо Амир" ЖЧКсынын ишмердүүлүгү менен таанышты. Бул тууралуу өкүлчүлүктөн билдиришти.

Ишкана "Аймактык экономикалык өнүктүрүү" долбоорунун алкагында "Сүт азыктары" кошумча нарк чынжырынын агрегатору катары иш алып барат. Негизги багыты - табигый сүттөн улуттук суусундуктарды жана түштүк аймагындагы мөмө-жемиштерден алкоголсуз суусундуктарды даярдоо. Чийки зат Ош, Баткен жана Жалал-Абад облустарынын фермерлеринен алынат. Ишкана Кара-Суу районунун Социализм айылында жайгашкан.

Маалыматка ылайык, учурда продукция Ош, Жалал-Абад, Баткен шаарларындагы "Глобус", "Фрунзе", "Азия" гипермаркеттеринде жана "Ак-Ниет", "Народный" супермаркеттеринде сатылууда. Ишканада 50дөн ашык туруктуу жана 100дөн ашык сезондук жумушчу эмгектенет.

Өндүрүштү кеңейтүү максатында Мады айыл аймагында жаңы завод курулуп жатат. Биринчи этапта улуттук суусундуктар цехи ишке кирди, азыр сүт жана кургатуу цехтери салынууда.

Долбоордун алкагында агрегаторго 34 млн 275 миң сомдук өндүрүш линиясы берилген. Учурда курут, шербет сыяктуу азыктар чыгарылууда. Экинчи этапта "Мамлекеттик финансылык холдинг" тарабынан 35 млн сомдук жабдуу алуу пландалууда.

Ошондой эле 13 фермерге жалпы 12 млн сомго 57 баш бооз торпок жана 3 баш бука берилди. Дагы 12 фермерге 42 млн сомдук мал алуу үчүн өтүнөм даярдалды.

Аманкан Кенжебаев мындай ишканалар сүт кластерин өнүктүрүп, фермерлерди туруктуу киреше менен камсыздап, ички рынокту сапаттуу ата мекендик продукция менен камсыздай турганын белгиледи.

Мындан тышкары окуңуз

БШК президенттикке талапкердин шайлоо фондун түзүү жана каражаттарын эсепке алуу тартибин бекитти

Бүгүн, КРнын Шайлоо жана референдум өткөрүү боюнча борбордук комиссиясынын жыйынында КРнын Президентинин кызмат ордуна талапкердин шайлоо фондун түзүү, акча каражаттарынын түшүшүн жана чыгымдалышын эсепке алуу тартиби жөнүндө жобону бекитүү тууралуу” токтом долбоору бекитилди. БШКнын маалыматына караганда, жободо - КРнын Президентинин кызмат ордуна талапкерлигин коюу ниетин билдирген жарандын жана талапкерди көрсөткөн саясий

Ош облусундагы "Абдурашит Ата" чарбасына 57 млн сом каржылоо жактырылды

Бүгүн президенттин Ош облусундагы ыйгарым укуктуу өкүлү Аманкан Кенжебаев Кара-Суу районундагы Кызыл-Тал айылында жайгашкан "Абдурашит Ата" дыйкан чарбасынын ишмердүүлүгү менен таанышты. Бул тууралуу өкүлчүлүктөн билдиришти. Маалымдалгандай, чарба жыл сайын 300 тоннадан ашык сүт өндүрөт. Ишкана заманбап технологиялар менен жабдылган. Атап айтканда, "Ёлочка" саан аппараттары,

КРнын Президенттигине талапкерлерге кол топтоо “Түндүк” тиркемеси аркылуу жүргүзүлөт

Бүгүн, Борбордук шайлоо комиссиясынын жыйынында “КРнын Президентинин кызмат ордуна талапкерди колдогон шайлоочулардын колдорун чогултуу тартиби жөнүндө” жана “Кыргыз Республикасынын Шайлоо жана референдум өткөрүү боюнча борбордук комиссиясынын “Кол чогултуу” автоматташтырылган маалыматтык тутуму жөнүндө” жоболор бекитилди. Жобого ылайык колдорду чогултуу “Кол чогултуу” автоматташтырылган маалыматтык тутуму аркылуу, “Түндүк” мамлекеттик электрондук кызмат көрсөтүүлөр порталынын

Улуттук банк эл аралык HR-тренинг ретритин өткөрдү

Улуттук банк 15-17-сентябрда "Кызматкерлерди окутууда жана кесиптик өнүктүрүүдө HR ролу" темасында эл аралык көчмө HR-тренинг ретритин уюштурду. Бул тууралуу мекеменин басма сөз кызматы кабарлады. Маалыматка ылайык, иш-чарага Германиянын Deutsche Bundesbank, Венгриянын Magyar Nemzeti Bank борбордук банктарынын, ошондой эле Грузия, Азербайжан жана Армениянын борбордук банктарынын